港聞

【2015回顧】今年佢哋講過啲乜? 名人金句回帶 (17:40)

2015年踏入最後倒數,過去一年發生過什麼事?中聯辦主任張曉明提出「特首超然論」、政改表決罕見「甩轆」、令全港巿民憂心的鉛水問題、熱血的球賽轟動一時的綁架案、……一些人、一些話言猶在耳,年關當前,讓我們一起回一回帶,以名人金句記錄2015年的香港歷史。

●全國政協副主席董建華1月初召開記者會讚揚梁振英的施政報告,當《中國日報》陳姓記者報上名來後,董建華問:

「貴姓呀?陳生係嘛?」但因尾音太弱,部份傳媒報道稱他說:「貴姓呀?陳生?」因而被網民廣泛談論。

●中聯辦主任張曉明出席《基本法》頒布25周年研討會提出「特首超然論」:

「作為領導特區政府的行政長官,他所具有的雙首長身分和雙負責制的責任,使得行政長官具有超然於行政、立法、司法三個機關之上的特殊法律地位,處於特別行政區權力運行的核心位置。」

梁振英其後回應超言論:

「我們是一個有高度自治的特別行政區,香港所有的權力都是來自中央授權的,中央在香港政治體制當中,只是任命行政長官及任命行政長官提名的主要官員,因此行政長官的地位確實是超然的。」

●特首梁振英在勞動節酒會發言時,立法會議員梁國雄在台下叫口號抗議,結果被保安員推離會場。梁當場笑了,然後說:

「有時候會忍唔住笑。」

●特首梁振英女兒梁齊昕在中環慶祝萬聖節,其後曾掌摑到場的母親唐青儀,曾說:

「You know this mom is not actually my biological mom?(你知道這位母親並非我的親生母親嗎?)」

其後唐青儀就事件發出書面回應,提到:

「我相信亦都深信嗰晚佢(女兒梁齊昕)係有啲飲醉酒,佢嗰晚嘅行為呢,係絕對唔會想冒犯任何人,而事後有啲傳媒報紙報道,當晚有啲粗口講過啲乜嘢,我喺現場,我係聽唔到。」

●特首梁振英出席立會答問大會,議員黃毓民提問:

「我而家問緊問題,你唔好劖亂歌柄,30秒咋,你搞咩呀曾鈺成,你細佬都畀人搞啦……我就好多選民畀壓力我嘅,我係民選議員,佢就叫我問佢一個問題,講咗好耐架啦,就係問佢幾時死呀?」

●校委會以「等埋首副」為由延遲任命陳文敏出任副校,學生衝入校委會會議包圍李國章,其後被問引起學生不滿時回應:

「點解佢哋不滿?佢哋有咩根據不滿?你講畀我聽我係咪犯咗罪?我係咪殺人放火?……我做錯咩要辭職呀?我犯咗咩罪?你講畀我聽。」

李國章回應學生會會長馮敬恩披露校委會內容:

「你信唔信呢個『大話精』?呢個人唔應該爆呢啲出來。」

●港大校務委員會9月29日會議內容不斷有疑似錄音流出,疑似盧寵茂在會上表示:

「我受傷了,事後我沒看到他(陳文敏)慰問,尤其我......我不是說我需要他慰問......校委會包括教職員在事件中受傷,他對其安全不表示關心。」

●政改方案表決時建制派集體離場,令方案遭大比數否決。經民聯立法會議員林健鋒事後解釋為要「等埋發叔」:

「發叔雖然係唔舒服,仍然好希望今日返到嚟可以投到贊成嘅一票,正話發叔一路都趕緊返嚟,咁我哋為咗希望可以完成發叔支持方案嘅決定,所以我哋希望藉住15分鐘嘅休會,可以畀發叔趕到返嚟,但係好不幸有幾位議員溝通上面出咗小小問題,佢哋無離開個會議室,所以我喺呢度同大家講句對唔住」。

劉皇發回應建制「甩轆」:

「因為我自己身體唔係幾好啦,所以趕遲咗,我自己心裏面都唔係好舒服,對唔住。」

身兼行政會議成員的立法會議員葉劉淑儀事後在電台回應「甩轆」事件時聲淚俱下說:

「我相信中央政府都好失望,我都好難過,噚晚都瞓唔著,辛苦咗20個月,我真係好想投呢一票......冇咗呢次機會唔知幾時先有,所以覺得好難過。」

●衛生防護中心監測及流行病學處主任程卓端回應鉛水風波時,提出「拉勻一生計」的說法 :

「如果一個人短時間飲咗含鉛量超標嘅水,但係整體嚟講人生當中,講緊70、80歲,都係飲一啲符合標準嘅食水嘅話,其實佢整體嚟講嗰個超標係唔符合所謂超標嘅定義,所以對於健康係無明顯嘅影響。」

立會內會特別會議跟進鉛水事件,金融界立法會議員吳亮星:

「水嘅含鉛呢,係唔係導致,喺科學角度,引起逐年嘅壽命增長嘅基礎之一呢?.……如果含鉛量適中呢,係咪有助於延年益壽呢?」

●退休政府規劃師薛國強向城規會建議取消中環至金鐘電車路軌,提出電車行得慢:

「我由金鐘行去中環尾呢,去到上環、西港城轉彎嗰度,我行路可能快過搭電車。」

●陳岳鵬獲升任政制及內地事務副局長,葉劉淑儀回應:

「其實陳岳鵬入咗政府之後就多咗年輕人搵我,不過發覺有啲都係搵我做跑道......我作為一個僱主,自私角度,一定要諗清楚,或者同再嚟跟我嘅年青人講清講楚,你嘅目標係乜嘢。」

●前特首曾蔭權被落案起訴提堂,曾蔭權妻子曾鮑笑薇:

「我哋本來都希望退休之後,過平靜同埋寧靜嘅生活,遠離政治,但係可惜事與願違,而被捲入呢一個漩渦。最唔尋常嘅呢,就係過去3年半以來,我哋每日都受到不停嘅滋擾……」。

●教育局局長吳克儉回應全港性系統評估TSA爭議時表示:

「TSA是評估基本能力的重要工具,如果取消是大倒退。」

●教育局長吳克儉接受蔣麗芸訪問時說:

「我76年畢業之後,都自己要求每個月要睇30本書或者雜誌,都無乜點放棄過……如果你飛一行17個鐘頭嘅飛機,你睇到10幾本架啦。」

●民建聯立法會議員鍾樹根出席電台節目,談及政府要求港台接手亞視模擬頻道一事,他指港台經常批評政府,不值得再增撥資源:

「你官辦電台又唔係做官辦電台嘅嘢,你食碗底、反碗面,攞政府人工卻罵政府,當然唔會再撥資源畀你。」

●立會討論版權修訂條例二讀,民建聯議員蔣麗芸:

「最多問題出現、患精神病嘅醫生係邊啲?就係精神病醫生呀主席,點解呢?因為精神病醫生坐喺度,聽精神病病人講得太多嘢,聽聽吓,自己都黐線埋呀主席。……而家佢哋係拉布期間廢噏咁多嘢,有時議員都要行出去唞唞氣㗎嘛,佢哋唔行出去唞氣嘅話,好似主席你咁,遲早個個都染晒斯德哥爾摩症候群呀主席。」

●亞視執行董事葉家寶宣布辭職,被問是否有人選繼任其職位時回應:

「相信暫時都未有,我諗呢個咁危險嘅職位有無人肯當呢?……無論做人或者去任何嘅地方,如果可以繼續留就繼續留,可以停止就停止,可以做耐啲嘅就做耐啲,可以快啲走嘅就快啲走。」

●港隊門將葉鴻輝9月在國足對港隊賽前受訪:

「香港愈畀人睇死就愈要有表現,就算今次我贏唔到,我都要阻住你出線。」

港足旺角球場賽和國足,葉鴻輝談「0:0的意義」:

「唔好睇低香港隊,雖然我哋無實力好強嘅球員,但係往往可以造出奇蹟。」

●Bossini創辦人羅定邦孫女羅君兒被綁架勒索2800萬元贖金案,她獲救後兩天開記者會「報平安」:

「我都好想同我身邊嘅朋友、親人同家人講,我平安無事。我嘅精神同我嘅身體,都無因為今次嘅綁架而受到任何打擊同埋任何傷害。」

掌握最新消息,請Like「明報即時新聞」fb專頁! http://www.facebook.com/mingpaoinews

【採訪陷阱?】兩名記者向探員出示記者證後,被指懷疑干犯遊蕩罪,被帶返警署扣查1個半小時。報道:http://bit.ly/1YBzZrv【記協譴責警方嚴重妨礙採訪自由】http://bit.ly/1NOror6【監警會委員:可向投訴警...

Posted by 明報即時新聞 on Thursday, December 24, 2015

相關字詞﹕編輯推介 回顧 熱話

上 / 下一篇新聞