港聞

【Emily Online】PPRB 新任總警司「展大俠」 難忘搗最大鹹網 300萬現金塞爆夾萬 (19:20)

警察公共關係科總警司「4點鐘許sir」許鎮德下月調任深水埗指揮官,許sir 噚日同新任PPRB 阿頭區展秋見記者,許sir仲特別將佢工作最重要物品:手機,交到區sir手上,作為交接信物。

刑偵出身的區sir 十分健談,emily及行家都好有興趣知區sir 的查案經歷,被同袍暱稱「展大俠」嘅區sir 提到,近年深刻案件包括搗破全港最大鹹網 141.com 的過程,原來當時曾經出動飛虎隊,仲要搵埋警方的專門「夾萬專家」去爆開集團的金庫,搜走咗成300萬現金。

展大俠講到,當時飛虎游繩入網站總部,喺寫字樓起出證物及贜款,拉左過百人,搜到現金多到幾近塞爆佢寫字樓夾萬。

另一單深刻案件,展大俠提到係去年《明報》劉進圖被斬案,佢諗起案發翌日便提早抽調到O記上班主理案件,當時查到天昏地暗,見班伙記查通宵,佢不時跟到深宵3、4點,索性喺寫字樓瞓幾粒鐘,瞓醒又繼續做,將兩兇手繩之於法,至於幕後主腦的調查,展大俠話案件一直查緊。

展大俠名副其實係CID man ,又進修讀左港大犯罪學碩士課程,講開才知他同「無味神探」陳思褀係同期出學堂,兩人相識,早前係無味神的探喪禮上致悼辭。

嚟到PPRB,展大俠話要多做功夫改善現時緊張的警民關係,先集中係社交媒體方面,繼四點鐘許sir後,警隊facebook 又引入新卡通角色:警員恒仔、同埋係警署餐廳工作會沖奶茶嘅阿港。當然,emily 同行家都講起,除左fb,本位上增強警隊透明度及社會的互動,也是核心所在。

兩位總警司仲著咗警察圍裙,其中一個袋印有傳統警民關係途徑,少年警訊及耆樂警訊圖案,另一個袋就印有網絡途徑,即警隊youtube 、facebook 圖案。講到警民關係,兩位阿sir就示範飲啖茶傾下偈之重要。

【心痛、心酸】願傷者無恙。報道: http://bit.ly/1mrr8aA【車禍釀4死10傷 現場設臨時停屍間 遺體蓋黑膠袋放路邊】http://bit.ly/1k691Fp【錦上路大車禍】小巴與貨櫃車相撞翻側 釀4死10傷...

Posted by 明報即時新聞 on Friday, December 18, 2015

相關字詞﹕編輯推介

上 / 下一篇新聞