港聞

【Emily Online】九巴「抽水」指過海專線「家強服務」 網民反譏常脫班 (17:42)

近排Beyond樂隊嘅名曲《喜歡你》因為特首梁振英同黃家強嘅「認真翻唱」而紅開巷,唔少人都走來抽水,估唔到連九巴都抽埋一份。九巴今日喺佢哋嘅fb專頁就上載咗一張「改圖」,話來往九龍城同寶馬山嘅過海巴士線108線會「家強服務」,呀唔係,係「加強服務」,除咗本周六起將總站延長至九龍灣(啟業),仲增停九龍城、新蒲崗同啟德,最緊要係加密咗班次,服務加強,梗係「喜歡你」咁做。

雖然「食字」有少少夾硬來,但網民都幾受落,有網民仲即刻高歌「今天我......」,即係「社運名曲」《海闊天空》,亦都有人講笑話,「維港的水都被抽乾了,可以行路過銅鑼灣」。不過,唔少人都認真關注九巴脫班問題,有網民話雖然抽水抽得好,但訴苦近排搭九巴班次成日都唔準,成日冇左班車,要正視吓喎,亦都有人提議重新編配唔同嘅路線。

掌握最新消息,請Like「明報即時新聞」fb專頁!http://www.facebook.com/mingpaoinews

【喜愛夜蒲?】中大醫學院院長陳家亮半夜三間,無心睡眠,搞乜?http://goo.gl/XS1qHU#明報 #明報副刊 #陳家亮 #CUHK #醫學院 #崇基燈塔============【讚好「明報副刊」專頁】● 請於FB將專頁設...

Posted by 明報即時新聞 on Monday, December 14, 2015

相關字詞﹕編輯推介 九巴 網絡23條

上 / 下一篇新聞