港聞

【Emily Online】 籌款晚會唱《舊歡如夢》 葉國謙:民建聯活動有交版權費 (01:19)

特首梁振英禮拜一喺經民聯晚宴之上,翻唱一首《喜歡你》並擺上網,迅速被眼利嘅網民發現,喺新修訂嘅版權條例草案下,有侵權嫌疑,結果要特首辦事後「補鑊」畀版權費。

 

但中招嘅可能唔單止係特首,工黨何秀蘭今日質疑,立法會主席曾鈺成2009年喺婚禮上為老婆獻唱仙樂飄飄處處聞嘅「something good」可能都無攞版權,指如果「網絡23條」真係推行,連主席都侵權。何秀蘭特登問過主席,曾鈺成除咗承認無攞,仲自爆民建聯舊年籌款晚會上,譚sir唱《舊歡如夢》都未必有,話要問問對方。

Emily就八卦過,譚sir話唔清楚晚會有無交版權,話「要問吓同事」。不過佢認為,有時內部活動,唔出街嘅活動,「應該唔會告我哋」。黨友葉國謙就澄清,民建聯活動一直都有交版權費,連地區表演都有,果然夠醒水。不過至於交幾多,同埋交畀咩機構,佢就話,都係要問下同事,不過應該只係「幾百蚊」。不過《明報》噚日就認真向多個機構,包括香港作曲家及作詞家協會(CASH)、香港國際唱片業協會(IFPI)及香港音像聯盟(HKRIA)查詢過,若唱幾首歌錄影並上載影片 ,分分鐘收費要逾萬蚊。

掌握最新消息,請Like「明報即時新聞」fb專頁! http://www.facebook.com/mingpaoinews

【睇唔過眼】秋生以一個「悲」字在微博留言,又稱許梅艷芳是「香港自由女神」。報道:http://bit.ly/21TIfCk【阿梅徒弟譚耀文哽咽怒斥:賣到十億都是一個侮辱】http://bit.ly/21TzY1k【梅艷芳逾3000項...

明報突發組貼上了 2015年12月11日

上 / 下一篇新聞