港聞

【Emily Online】PTU的士內替孕婦接生 警隊fb反應快 5個鐘後做埋訪問片出街 (22:59)

警察機動部隊(PTU)嘅工作係維持治安,噚日喺香港警察嘅官方facebook專頁,上載咗一段撼人、溫馨嘅短片,內容講述一隊PTU前日出車執勤,係告士打道畀一位的士司機截停,原來的士載咗一位大肚婆,喺車上快要臨盆,已經趕唔切去醫院。一名男隊員和一名女隊員臨危不亂,即刻喺車廂內為該名孕婦接生,最後BB順利出世,兩名隊員覺得好開心。

Emily見到,警隊facebook噚晚7點幾就已經有呢件事題為「【震撼的生命力,本是奇蹟】 不平凡的行動,請參與見證⋯⋯」嘅片段,以及替孕婦接生嘅警察阿杰同Karen訪問。兩位警員講述當時嘅情景,Karen話她同阿杰走近的士,向孕婦查詢後知道原來佢已經陣痛咗一段時間,阿杰話當時BB已經準備要出嚟,Karen就叫其他同袍除低外套,用來遮住整部的士嘅窗口,希望孕婦有一個較放心同舒適嘅環境分娩。

Karen話諗番當時接住BB個剎那,覺得生命好震撼,而阿杰就希望BB將來健健康康,快高長大。

對於事發後5個幾鐘做訪問拍片上理網,以政府來講都算幾快手,到今晚已經有超過8萬點擊率,成績認真唔錯。Emily諗起咁快手可能同人手充裕有關,有1位警司帶住19位警察負責警隊facebook,呢個投資成本確實唔少。

掌握最新消息,請Like「明報即時新聞」fb專頁!http://www.facebook.com/mingpaoinews

【公開承諾?】公開信話,阿里巴巴的收購不會影響《南華早報》編輯獨立性,表明「日常的編輯決定將會由編輯們在新聞編輯室裡做出,而不是在董事會裡」。報道: http://bit.ly/21UxU9k(緊貼 #阿里巴巴 ● like 明報財經...

明報即時新聞貼上了 2015年12月11日

相關字詞﹕警民 接生 編輯推介 網上熱話

上 / 下一篇新聞