港聞

【emily online】申請版權唔止要問CASH? 周博賢拆解「認真翻唱」要過6關 (13:50)

政府近日推銷被網民稱為「網絡23條」嘅版權修訂條例草案,適逢特首梁振英早前喺經民聯晚宴上,「認真翻唱」咗Beyond名曲《喜歡你》,兼且上載埋facebook,成為咗拆解呢條法例嘅最佳示範。

唔少網民都疑惑特首翻唱係咪都會墮入法網,知識產權署署長梁家麗就話特首係「公眾人物」,可以用「時事評論」類別嘅豁免,而特首辦事後亦都「補鑊」話,已經向香港作曲家及作詞家協會(CASH)申請相關牌照。

不過,著名音樂人周博賢今日就喺facebook話,要「攞正牌」並唔係只問CASH咁簡單,他仲用梁振英post片做例子,話嚴格來講有多種行為,要向唔同嘅人攞牌,計計埋埋仲要過六大關咁多。

按周博賢嘅「技術性分析」,翻唱歌曲兼錄音牽涉詞曲版權中嘅「複製權」,而將歌曲放入畫面,就涉及「影音同步權」,兩者分別要向版權所屬公司攞唔同牌照。佢仲話,選用歌曲嘅純音樂(MMO)、將該段純音樂放入畫面都分別要向唱片公司攞唔同權限嘅牌照。

至於放片上網這一環節,周博賢指的確要向CASH申請相關詞曲嘅串流(streaming)版權,但原來涉及MMO嘅音樂版權,授權串流應該係國際唱片業協會(IFPI)或香港音像聯盟(HKRIA)負責,亦要另外申請。

聽落都覺得複雜,周博賢話,「翻唱」加「放片上網」隨時要上述6種牌,政府想「補鑊」,就應該「做足手續喎」。佢仲特別提出,「如果唔想煩,係咪有UGC(個人衍生用戶內容)或Fair Use(公平使用)嘅豁免好啲呢?」

掌握最新消息,請Like「明報即時新聞」fb專頁!http://www.facebook.com/mingpaoinews

【若要人不知】運輸署發現涉事路線小巴凌晨常有大批長者乘車紀錄,覺得不尋常,於是報警揭發案件。報道:http://bit.ly/1lw13XW【網絡23條】鍵盤戰線料立會縱火案是惡作劇 籲集會時勿玩火...

Posted by 明報即時新聞 on Wednesday, December 9, 2015

相關字詞﹕編輯推介 網絡23條

上 / 下一篇新聞