港聞

【短片:Emily Online】自由黨青年團開party 田少憑歌寄意 與政府《舊歡如夢》 (23:50)

自由黨青年團今晚舉行聖誕聚會,吸引唔少對自由黨有興趣嘅人出席,自由黨榮譽主席田北俊同黨魁方剛都有到場,不過佢哋上台發言時,似乎唔係想同後生仔打成一片,而係希望班後生做好啲,等佢哋安心交棒。

田少上台發言話,佢同方剛都好想湊孫,又輕言自己得罪政府太多,再係咁要移民,所以希望交棒畀後生,仲點名希望青年團主席李梓敬接棒添。佢表明唔係叫班後生仔做反對黨,但千祈唔好做「擦鞋黨」。

方剛就坦言,自由黨壓力大,交棒困難,「個個當自由黨勁敵,因為我地有質素,西環、政府都咁緊張我哋」,佢強調香港人需要大家講真說話,又形容上屆立法會自由黨得3個議席,「我經過得3個人,被人恰」完全明白係幾慘、表明希望明年立會選舉後,自由黨議席由目前5個變7個。

田少除咗發言,又同一眾青年打桌球同掟飛鏢,當然唔少得高歌一曲啦,佢唱佢飲歌《舊歡如夢》時直言,過去同政府關係好好,但家只能係舊歡如夢喇。

掌握最新消息,請Like「明報即時新聞」fb專頁! http://www.facebook.com/mingpaoinews

【氣氛似乎好高漲】當黃家強唱完兩首歌時,CY一個箭步走上台和黃家強自拍,現場嘉賓都大叫,其後心情大好嘅CY話要搞好行政立法.....詳情+短片:http://bit.ly/1NBlpcu【亞視又欠薪】稱不能再「以身試法」 葉家寶:辭...

Posted by 明報即時新聞 on Monday, December 7, 2015

相關字詞﹕編輯推介 自由黨 田北俊 田少

上 / 下一篇新聞