港聞

【短片:Emily Online】經民聯晚宴黃家強獻唱 CY興起上台邀自拍 合唱《喜歡你》 (22:57)

經民聯今晚舉行3周年晚宴,除了特首梁振英(CY),政務司長林鄭月娥、中聯辦副主任殷曉靜,民主黨主席劉慧卿、公民黨黨魁梁家傑亦有到場。

晚宴高潮係Beyond的黃家強到場獻唱,當佢唱完兩首歌時,CY一個箭步走上台和黃家強自拍,現場嘉賓都大叫,其後心情大好嘅CY話要搞好行政立法,請咗在場嘅問責官員齊齊上台,和家強合唱。

CY可能見佢地唱得咁高興,當唱《喜歡你》時,加入唱歌,不過聲音未夠響亮。而一向歌藝了得嘅政制及內地事務局長譚志源就全程投入,同黃家強jam歌唱《光輝歲月》,但財經事務及庫務局長陳家強就齋揸咪,emily唔係好聽到佢把聲。

唱歌期間,不時有fans上台主動和CY與林鄭合照,黃家強反而有少少被冷落添。梁振英其後更喺佢facebook專頁上載咗合唱片段同埋同黃家強自拍相片。

掌握最新消息,請Like「明報即時新聞」fb專頁! http://www.facebook.com/mingpaoinews

【疑似被刪片?】小野:真實片段他們可能不敢要求刪除,見這短片有創作成份,就低調地向YouTube試試提出...詳情:http://bit.ly/1NBf4xM【港警求刪YouTube片被拒】網傳涉事短片長約1分鐘 改編自反東北示威者口...

Posted by 明報即時新聞 on Monday, December 7, 2015

相關字詞﹕編輯推介 梁振英 黃家強 喜歡你

上 / 下一篇新聞