港聞

下一篇
上一篇

【Emily Online】高永文操「針」 為田北辰、陳偉業接種流感疫苗 (14:25)

雖然這個冬天不太冷,但市民仍要提防冬季流感。十幾名立法會議員今日親身「上陣」,在立法會大樓接種流感疫苗,其中民建聯鍾樹根和民主黨單仲偕是首次接種疫苗,而人民力量陳偉業和新民黨田北辰,更主動要求食衛局長高永文親自操刀打針,並「交足戲」扮痛苦狀。民建聯陳恆鑌就緊捉住高永文嘅手唔放,好似好緊張。

高永文坦言,自己加入政府後已沒有行醫,不過田北辰打完針後就大讚高醫生「好手勢」,睇黎打針對佢來講「濕濕碎」,唔會手震喎。單仲偕笑言,找醫生打針「非常不智」,認為護士先是每日負責打針,更安全熟手。今日一共有27個立法會議員打左針,計一計數,接種的比例近4成,高過醫護人員好多。

原來不止立法會議員,行政長官梁振英今日亦同5名局長一齊接種疫苗,而高永文自己早前亦同醫管局高層接種左疫苗。高永文話,鼓勵市民接種流感疫苗,尤其是流感高危人士和醫護人員,希望官員同議員以身作則,可作為示範,引起市民關注,多接種流感疫苗。

高永文又話,政府已買入40萬劑流感疫苗,現時經政府注射嘅有4萬多人,私家診所接種嘅就有12萬人,比去年同期稍高。佢預計當冬季來臨,天氣真正轉冷,12月至1月會是流感的高峰期。

掌握最新消息,請Like「明報即時新聞」fb專頁! http://www.facebook.com/mingpaoinews

【天人合一?】http://bit.ly/1Xwzuyz【區選戰後】鍾樹根自評:欠圓滑、太直率、不懂奸 (09:14)http://bit.ly/1jxBp33【煥然壹居】指月入6萬中產選擇多 鍾樹根:點解仲要幫佢哋?...

Posted by 明報即時新聞 on 2015年12月1日

相關字詞﹕高永文 流感疫苗 編輯推介

上 / 下一篇新聞