港聞

下一篇
上一篇

【Emily Online】馮煒光大坑食拉麵 嘆無緣見「素人」 (10:50)

多名政治素人喺新一屆區議會嶄露頭角,唔少政府中人都想約見呢班「生力軍」,其中較受注目嘅,莫過於在灣仔大坑區擊敗新民黨成員嘅候任區議員楊雪盈,事關繼政制及內地事務局副局長陳岳鵬「約飲嘢」之後,連新聞統籌專員馮煒光都似乎想見佢一面喎。

馮煒光唔噚日下晝喺facebook上載多張相片,包括街道同拉麵相等等,仲留言慨嘆話:「大坑吃拉麵,無緣見素人。」

其實,副局陳岳鵬前兩日喺facebook私訊楊雪盈,話「如果你時間許可,我想約你出來飲杯嘢,傾計(偈)交流一下」,但楊雪盈就反建議佢落區到灣仔區內小店同居民交流,「若因而能解決困擾此區多年的問題,街坊實會請返你飲嘢」。

楊雪盈接受《明報》訪問時直言,暫時冇意同陳岳鵬會面,話當選後首要係同居民溝通,歡迎所有想聽居民聲音嘅人落區咁話噃。

掌握最新消息,請Like「明報即時新聞」fb專頁! http://www.facebook.com/mingpaoinews

【宣傳?真火?】節目未播先嗌交,究竟TBB刪左啲咩,搞到一眾網絡達人咁「興」呢?詳見:http://bit.ly/1Xtiyc5【黃秋生向無綫放風 恨拍時裝劇 點名戲鬥陳煒】http://bit.ly/1XtkoK9【《武則天》贏《...

Posted by 明報即時新聞 on Monday, November 30, 2015

相關字詞﹕編輯推介 馮煒光 區選

上 / 下一篇新聞