港聞

【emily online】港科院喺禮賓府成立 記者無得見證? (19:00)

呢一屆嘅特區政府重視創新科技,而由前港大校長徐立之推動嘅香港科學院,將於本周六喺禮賓府舉行成立典禮,特首梁振英當然捧場,Emily原本以為咁大件事,當日要安排同事採訪,點知被告之典禮並無安排傳媒採訪。

翻看港科院嘅網頁,亦有提及呢個活動,係周六下午5點至晚上7點進行,首部分係畀嘉賓出席酒會,另一部分係各主要人物發言。今日徐立之同傳媒見面,Emily問到當日係邊個建議喺禮賓府舉行成立典禮呢?徐立之笑言件事「一匹布咁長」,佢話參考過海外經驗,例如歐美嘅科學院,最終都係國家撥款支持,因此佢地一度建議以法定組織方式成立港科院,特首任保證人,港科院再由政府撥款運作,順理成章,當時亦建議喺禮賓府進行典禮,但後來因為佢地不夠人手游說立法會議員,擔心短時間內難以立法通過,依家向慈善機構方向籌組。

至於點解咁高興嘅事,記者無法採訪?現場公關話「場地關係」,而Emily問特首辦,對方話因為呢個活動本身係「閉門進行」,所以無採訪安排咁話。 掌握最新消息,請Like「明報即時新聞」fb專頁! http://www.facebook.com/mingpaoinews

【姓「巫」與姓「毛」】巫成鋒欣賞毛澤東年輕時領軍打勝仗,形容如「奇蹟」,「要學習他的精神,令群眾信服你,願意跟隨你,輸硬都可以,這就是領袖魅力」。報道: http://bit.ly/1QOZ2CF【03年七一上街 18歲即投鄭家富 巫...

Posted by 明報偵查報道 on Monday, 30 November 2015

相關字詞﹕編輯推介 港科院 禮賓府 徐立之

上 / 下一篇新聞