港聞

【Emily Online】梁福元:法官「唔了解」丁屋歷史傳統 (07:31)

丁屋發展商李欽培涉嫌招攬11個新界原居民申請丁屋起屋牌照,村民其後將丁權非法賣畀對方,涉嫌串謀詐騙地政總署。案件昨日(27日)有裁決,法官最終判佢哋串謀詐騙罪罪成。

對於裁決,有鄉事似乎唔太滿意。十八鄉鄉委會主席梁福元批評法官「唔了解」丁屋歷史傳統,又話買賣丁權存在咗幾十年,如果土地發展唔到就寧願丟空佢哋「生草」。梁福元話,相信鄉議局會就住法庭呢個裁決開會討論。

上水區鄉事委員會主席侯志強就直指「唔起丁屋咪起高樓大廈」,質疑現時嘅丁權政策「分明針對新界人」,又話政府喺呢單案上面係挑戰緊全香港法律。侯志強話唔清楚新界買賣丁權情況係咪普遍,但「有買就有賣」,覺得現行法律有灰色地帶,政府要同鄉議局傾好法律程序咁話。

不過,Emily睇返法官昨日嘅裁決,其實重點係各被告涉及使用虛假文件,所以先裁定佢哋行為唔誠實,形容性質類似呃綜援。法官亦都話,以丁權謀利,其實係同政府當初訂定政策、希望畀原居民安居嘅原意相違背嘅。到底鄉事派口中嘅丁屋傳統係咩呢?Emily真係「唔了解」。

掌握最新消息,請Like「明報即時新聞」fb專頁!http://www.facebook.com/mingpaoinews

【全部罪成】眾被告在過程中涉及使用虛假文件,法官裁定各人的行為屬不誠實,指其性質與欺騙綜援相類近。報道:http://bit.ly/1T9aVkD【Bambini Republic突結業】家長投資90萬嘆股東冊無名:外表好正經其實唔係咁...

Posted by 明報即時新聞 on Thursday, November 26, 2015

上 / 下一篇新聞