港聞

【Emily Online】西九Clockenflap音樂節規矩多 禁專業相機、禁大小便惹關注 (22:01)

聽日開始一連3日喺西九文化區舉行嘅Clockenflap音樂及藝術節,主辦單位昨晚喺facebook專頁,上載圖片詳列多項禁令,例如不可攜帶樂器、不准使用專業攝影/錄音器材、不可攜帶鎖鏈或附上金屬鏈子的錢包、以及不可隨地大小便等。

貼文一出即引來網民熱議,有人話規矩太多令人掃興,見到已「無晒mood」,但亦有人貼出外國搖滾節目的規則,話其實大同小異,指其他人係「大驚小怪」。

主辦單位的規矩圖中,最大兩個icon係禁止18歲以下人士飲用酒精類飲品,以及現場嚴禁任何非法藥物使用/交易,主辦方亦留言強調零容量非法藥物,任何人違規即會被驅逐離場,並報警處理。

其餘嘅禁令之中,最受熱議嘅係「不准使用專業攝影/錄音器材」,不少網民質疑「專業攝影器材」有何官方定義,留言反問「咁iPhone算唔算專業?」更補充話「記者有時都用iPhone拍新聞片喎」。有人質疑係咪唔可以用單鏡反光機,「部機睇落專業但個人業餘到爆又點先?」

翻查主辦單位網頁,的確列明只可帶俗稱傻瓜機的自用相機進場(simple point-and-shoot for your own personal purposes),專業相機則不得帶入場及使用,但無列明不可帶有攝影功能嘅智能電話。

另一條「不可隨地大小便」的規定,亦惹來網民調侃,不少人質疑大會點解要特別提出呢條規矩,「又唔係喺強國做show」。

掌握最新消息,請Like「明報即時新聞」fb專頁!http://www.facebook.com/mingpaoinews

【打蚊?】文章形容港獨是蚊子,若採強硬措施只會是「高射炮打蚊」,反而會引起社會同情,但若視而不見又令其伺機坐大,於是建議使出兩招,令港獨沒了中國公民、香港永久居民的身分和權利。報道:http://bit.ly/1IbZDeN#明報 #明...

Posted by 明報即時新聞 on Wednesday, November 25, 2015

相關字詞﹕西九

上 / 下一篇新聞