港聞

下一篇
上一篇

【Emily Online】不忿游蕙禎敗於梁美芬 叫車app指黃埔東鼠患持續要加價 (17:49)

區議會選舉已經塵埃落定,今屆見到唔少新面貌,但有人歡喜有人愁,黃埔西區由「青年新政」鄺葆賢勝出,佢嘅隊友游蕙禎出戰隔離選區黃埔東,就以300票之差不敵爭取連任嘅經民聯梁美芬。唔少游蕙禎嘅支持者相當失望,客貨車電召app平台「CALL4VAN」今日就出咗個「調整收費通告」,話以後凡進入黃埔東嘅訂單,都要加收20元喎,理由係:「過半黃埔東居民視力有問題」、「區內鼠患問題持續」。

CALL4VAN今日喺facebook公布「調整收費通告」,話鑑於最新數據「顯示過半黃埔東居民視力有問題」,同埋「區內鼠患問題持續」,所以凡進入黃埔東嘅訂單,都要加收20元「安全行車」及「消毒清潔費」,即日生效咁話。CALL4VAN仲話,如果要豁免收費,就要落單時講明曾經竭力「滅鼠」。眾所周知,梁美芬因為致力捉老鼠而有個「鼠王芬」花名。

CALL4VAN過往不時做「抽水」宣傳,創辦人Conrad Wu就同Emily講,佢哋無份喺黃埔東投票,不過對呢區嘅戰果最唔滿意,「條氣唔順」之下就諗出呢個收費方法。Conrad話,出咗通告後真係有黃埔東嘅人打去問係咪真係要加價,佢就話「你敢打來我就敢收(錢)」。

有黃埔西選民就話,好出力投咗畀鄺葆賢,咁有無得減價先?Conrad話都可以考慮吓。

其實選民真係創意無限,除咗黃埔區,一班網民已經預告今晚8點去東區漁灣邨,「慶祝」該區的民建聯鍾樹根落敗。

掌握最新消息,請Like「明報即時新聞」fb專頁!http://www.facebook.com/mingpaoinews

【大爆冷】徐子見自言這6個星期十分勤力,而鍾樹根可能工作較忙,給予社區的時間不多。報道:http://bit.ly/1MwFzm8【短片:贏鍾樹根後如何慶祝? 徐子見笑稱:無呀,無諗過自己會贏!】...

Posted by 明報即時新聞 on Sunday, November 22, 2015

相關字詞﹕編輯推介 區選 游蕙禎 梁美芬

上 / 下一篇新聞