港聞

【emily online】教院成立「香港研究學院」 「自己香港自己研究」 研身分認同中港關係 (16:30)

近排成功爭取正名為大學嘅香港教育學院,最近成立咗「香港研究學院」(The Academy of Hong Kong Studies),由專門研究香港社會現象嘅教院香港社會研究講座教授呂大樂擔任總監,曾出書《香港革新論》嘅教院亞洲及政策研究學系助理教授方志恒就出任常務副總監。方志恒今日就喺facebook公布學院「正式開張」,仲形容間學院係「全港首間專攻香港研究嘅大學研究所」,嚟緊會請研究員同埋大搞研討會喎。

方志恒喺facebook度公布學院嘅臨時網站,仲叫大家廣傳,話「自己香港自己研究」,佢仲話學院遲吓會設立民調中心,又會請專注香港研究嘅研究員,之後會大搞以香港為主題嘅研討會同培訓課程。消息公布之後有唔少人關心,亦有網民問會唔會研究一下去殖民化等等問題,方志恒就話,一定會研究身分認同以及中港關係,但具體題目仲要再商討。

睇返資料,其實呂大樂同方志恒等人早前已經有用學院名義寫評論同出席講座,今個月會有一連串「香港前途」系列講座,請咗陳冠中等人演講。

掌握最新消息,請Like「明報即時新聞」fb專頁! http://www.facebook.com/mingpaoinews

【正式禁令】他稱,申請禁制令是為保障校委會保密運作,不是要與傳媒爭論或「滅聲」。詳情:http://bit.ly/1LLjOPc【多個新聞團體港大請願促撤禁令 指商台克盡新聞界天職】http://goo.gl/3GmkG3【記協斥...

Posted by 明報即時新聞 on Sunday, 1 November 2015

相關字詞﹕香港研究 教育學院 呂大樂 方志恒

上 / 下一篇新聞