港聞

【Emily online】CY回覆fb留言 留言「朋友」多是藍絲組織 (00:50)

特首梁振英呢幾日玩fb好頻密,大打親民牌,不過就唔開放評論功能,又只精挑網民加入特首做好友,搞到好多網民都好失望。佢噚日(27日)朝早去行會前,就被問到唔開放評論功能,係咪驚太多負評,佢笑言「依家都仲學緊」,感嘆自己「呢個年紀嘅人做fb,點都無你(記者)呢個年紀做咁容易,我一步一步做啦!」

不過Emily發現,除咗官員同建制派立法會議員外,CY朋友數量漸多,而有幾個人,不但有幸同CY成為fb朋友,仲幾乎逢CY嘅帖都留言,佢哋大部分是參加匯賢廊、保衛香港運動、愛護香港力量等撐警察反佔中網上群組嘅人。

其中名為Winne的網民留言「盆裁水蜜桃可口嗎?」,更獲得CY回覆「親手栽種,倍覺可口」。呢位Winne加入咗以上3個撐CY嘅組上群組。另一個勤於留言嘅Sophia,就入咗兩個藍絲網上群組。

掌握最新消息,請Like「明報即時新聞」fb專頁! http://www.facebook.com/mingpaoinews

【有豐富早餐嘅Morning,先係Good Morning!】報道:http://bit.ly/1kLJiD8【致癌肉】世衛列加工肉為「1類致癌物」 香腸煙肉與吸煙石棉鹹魚屬同類 http://bit.ly/1kLJz9b【世衛列...

Posted by 明報即時新聞 on Tuesday, October 27, 2015

相關字詞﹕編輯推介 梁振英

上 / 下一篇新聞