港聞

【短片:極噁心慎入】大肚烏蠅飛入屋 拍死後驚見數十條活蟲亂爬 (18:19)

觀塘順天邨有住戶家中發現巨型大肚烏蠅,拍死後肚裏道竟湧出數十條活蟲,場面極度噁心。

居於順天邨近垃圾站低層單位的讀者張女士向本報記者稱,今午在家中準備雞扒作午膳時,「突然間有隻大烏蠅飛入屋,停喺碟雞扒度」。

張女士大驚下拿來報紙把烏蠅拍死,再用紙巾執起時,「見到有啲嘢喺烏蠅肚度爬出嚟,原來係一堆活蟲,仲好生猛,好大堆,相信數埋有二三十條,好核突呀,嚇死人呀!」

她指該隻烏蠅已死,「好大隻,差不多成個一毫子直徑咁長,未見過咁大的烏蠅」。她拿手機把活蟲爬出的情況拍下,只見白中帶黃的小蟲不斷掙扎,「我諗頭先應該喺碟雞扒度生咗蟲,好彩見到,唔係食咗落肚仲驚」,她更擔心烏蠅會在水果生蟲,因水果不會烹煮,隨時把活蟲吃落肚。

張女士指邨內衛生情況不算差,亦甚少見到大烏蠅,日後會蓋好食物及多加注意。其後她把烏蠅屍體丟到馬桶沖走,雞扒亦丟掉,並通知街坊多注意。

掌握最新消息,請Like「明報即時新聞」fb專頁! http://www.facebook.com/mingpaoinews

【睇到都唔想食】左邊那個係即食麵月餅,一條一條蟲咁……報道:http://goo.gl/I2gcZM【台3歲童墮樓命危 母熟睡不知 熱心街坊報警陪送院】http://goo.gl/yf7NTI【台中10小時兩宗鐵捲閘壓人 兩婦命危】...

Posted by 明報即時新聞 on 2015年9月17日

相關字詞﹕編輯推介 慎入 烏蠅

上 / 下一篇新聞