港聞

劉展灝指無剝削員工:無補水因人工已包 (10:00)

討論多時的標準工時仍未有立法時間表,標準工時委員會資方代表劉展灝強調,在現時法例下,僱主無法剝削員工,「唔係無補水,係人工已經計算在內」。

政府評估顯示,實施標準工時後,假設員工受聘工時不變,所有行業合計每年薪酬成本增加1.03億至103.8億元。標準工時委員會勞方代表吳秋北今早在商台節目上質疑有關說法誤導,認為這103億元屬打工仔應得回報,不應說成僱主增加成本,「係僱主剝削了打工仔103億」。

同場的劉展灝不同意吳秋北說法,認為是過分理想化。他解釋,員工薪酬以「月薪」計算,而且現時有最低工資保障,故無可能剝削到員工,「點剝削到員工任何一個鐘頭唔畀人工唔計人工畀佢?點都會過最低工資,點能夠話103億屬於打工仔?無可能架嘛!(僱主)無食呢103億元!」

劉展灝又舉例稱,部分職位不可能與僱主「逐分逐分鐘計」,「呢份工1.5萬1.6萬,知道自己工作時間,但有時需要加班1至2小時,因為佢職位,唔需要超時補水,管理層深明這個道理。唔係無補水,係人工已經計算在內」。

他續稱,鼓勵員工做好手頭工作便準時放工,「唔想佢(員工)留低太長時間」,惟「做工作要睇季節性」,如臨近長假或展覽會前,員工或自願工作多15分鐘、30分鐘,甚至1個鐘,「但就唔係公司叫佢」。

劉展灝提到,很難評估員工超時工作是否因上半天工作慢,會採取「互相尊重」、「互相信任」態度。

掌握最新消息,請Like「明報即時新聞」fb專頁! http://www.facebook.com/mingpaoinews

【另類砧板】譚仔三哥米線發言人向本報確認事件......報道: http://bit.ly/1ij8YWR【教資會通過香港教育學院正名為大學】http://bit.ly/1ij4W0M【中「椒」爆竊犯疑多次夜闖學校 失5支水遺下...

Posted by 明報即時新聞 on 2015年9月11日

相關字詞﹕編輯推介 標準工時 最低工資 劉展灝

上 / 下一篇新聞