港聞

【全球冧市】股市半日跌千點 80歲股民:好心噏,好唔舒服 (13:06)

恒指半日跌逾千點,有股民即從家中趕到證券行「吼緊」市況,更大嘆「好心噏,好唔舒服」!

逾80歲股民明姐說,子女「畀唔夠家用」,買股票所賺金錢用於幫補家計,今早見恒指大跌,她即趕到證券行與經紀商討對策,打算伺機入市,惟所持股票仍下跌,氣指「(所持股票)閘住咗呀,買股票梗係想賺啦!宜家好唔開心呀我!」

明姐表示於1992年開始購買股票,最風光時期曾於98年至06年間淨賺70萬。後因年華老去,健康不如前,便減少大量投入金錢買股票,「成日要睇住,身體唔好」。

她透露去年曾遇到一名男子「警誡」她盡快沽出股票,因股市將於今年大跌,惟她見市況不錯,未有理會,現見恒指大跌,直言「好後悔冇聽佢講,點知跌得咁勁。預知到就發咗達啦!」

掌握最新消息,請Like「明報即時新聞」fb專頁!http://www.facebook.com/mingpaoinews

【禍從天降】鳳凰木大樹有樹椏突然折斷墜下,擊中老婦及巴士車身。報道:http://goo.gl/Q342rJ#明報 #明報即時新聞 #塌樹 #駐港解放軍==========================【讚好「明報即時新聞」專頁】...

Posted by 明報即時新聞 on 2015年8月23日

相關字詞﹕編輯推介 股市 全球冧市 恒指

上 / 下一篇新聞