港聞

下一篇
上一篇

【Emily Online】新聞處4小時發3稿 報告林鄭新界九龍周圍走 (21:37)

唔好話做特首辛苦,做政務司長都唔簡單,今日Emily留意到,政府新聞處4個鐘內,分別發咗3則新聞稿,向大家報告林鄭月娥嘅行蹤,睇到都戥佢辛苦。

點解?林鄭下晝先到訪水務署位於沙田濾水廠嘅新界東化驗室新翼,喺水務署長林天星陪同下,聽取總水務化驗師陳健民簡介水質科學部水質監控工作。然後出九龍,去何文田政府合署的化驗室,了解政府化驗所提供嘅化驗及支援服務,佢亦參觀分別用作化驗食水及焊接物料含鉛量嘅儀器,以及了解如何透過「X-射線熒光光譜分析法」檢測技術,測試物料的表面是否含鉛。

之後,林鄭再轉去參觀鑽石山靈灰安置所及鑽石山火葬場,了解新一代靈灰安置所及火葬場嘅環保設施和建築特色。林鄭讚揚建築署人員運用獨特設計,將喪葬設施與環保措施及概念充分揉合。

最後一站係深水埗區一幢「三無大廈」,林鄭係「清潔大總管」,佢去了解「全城清潔2015@家是香港」運動下,各區民政事務處協助改善區內「三無大廈」公用地方環境衞生工作。林鄭唔係只聽官員報告,佢視察一幢剛完成清潔嘅「三無大廈」時,與清潔工人交談,了解佢地嘅工作。

一場嚟到,林鄭亦搵機會探訪一個新近成立嘅業主立案法團主席,聽取呢位80幾歲長者喺成立法團方面嘅經驗,以及法團在提升樓宇管理質素方面的工作。嘩,講到呢度,睇到林鄭今日嘅行程,Emily完全感受到有幾頻撲。

【第二集】前教練大爆行內逼人幫襯的手法......報道﹕http://goo.gl/gcFRjk【威嚇銷售第一集】舒適堡Sales大控訴:簽了30個名,難道仍未清楚合約內容?http://goo.gl/eolPYg【舒適堡涉威嚇銷...

Posted by 明報即時新聞 on 2015年8月13日

相關字詞﹕林鄭月娥

上 / 下一篇新聞