港聞

下一篇
上一篇

【短片:食水鉛超標】公屋未落成先換喉 黃碧雲倡先取證勿「放生」承建商 (11:17)

鉛水風波牽連多個公共屋邨,房屋署更證實有興建中公屋受影響,需要拆喉。揭發鉛水風波的民主黨議員黃碧雲質疑,政府遲遲未成立獨立調查委員會,是想「放生」有問題承建商。

黃碧雲於商台節目解釋,政府「隻眼開隻眼閉」任由事件拖延,旨在讓正在興建公屋的承建商有時間換喉管逃避責任,「知衰嗱嗱聲換喉係好事,但唔應該未取證就『放生』」。她促請房屋署立即到這些屋邨取證。

不過,同場的民建聯議員陳恒鑌反駁黃碧雲:「如果知道嗰啲喉有問題唔去拆,唔通等入咗伙先去拆咩?」

黃碧雲澄清她不是說不要換喉,而是須先讓房屋署取證,但陳恒鑌反問:「咁你有冇問過政府有否取到證?」黃碧雲回應:「我約緊佢(政府)啊,但我哋唔係好似你(民建聯)咁叻啊嘛,一叫(政務司長)林鄭(月娥),林鄭就見你哋!」

黃碧雲之後追問民建聯昨會晤林鄭月娥時,曾否查詢相關問題,陳恒鑌沒有正面回應,只說:「大家都知道嗰啲公屋大家都排緊隊,都希望入伙,但如果發現啲喉有問題,要去跟進去處理(換喉)係合理做法。」

陳恒鑌續說,應給予機會房署處理事件,「要問咪寫過去問佢哋、質疑佢哋囉」。至於民建聯會否「質疑」有關做法,他指「我哋會關注」。

房屋署早前證實,預料明年落成、有利建築承建的觀塘安達臣道安達邨,由於地盤E第一、二期單位水喉接駁位焊料含鉛,有利自行拆喉重裝。

相關字詞﹕食水鉛超標 黃碧雲 陳恒鑌

上 / 下一篇新聞