港聞

【怪獸家長+命運塗改液】偷改文件獲派中學由band 3變band 1 奇招被識破 家長:我個仔點會報band 3? (17:19)

中學派位結果於本周二公布後,今日是首個註冊日。facebook群組「90後教師決戰怪獸家長」專頁發新帖,表示有家長塗改派位文件,期望兒子獲派的中學由「Band 3」變「Band 1」,但奇招被當場識破,「升呢」無望。

facebook「90後教師決戰怪獸家長」專頁今早發表文章,開設專頁的「戴sir」指自己是當值老師,遇到一名家長投訴校務處職員不替其兒子註冊。

戴sir了解後,向該家長講述,指該學生應被派往另一校名相似的band 3學校,但家長得悉後說:「我個仔點會報band 3?」

其後該家長出動塗改液,自行改寫派位文件獲派的校名,試圖以此註冊心儀的band 1學校,但招數被釋破,再遭拒絕。雙方爭持期間,該band 1學校的教師向學生派往的band 3學校「通風報訊」,結果對方安排職員到來,把該名「非常家長」接走。

戴sir指該學生只有體育及常識科的成績有70分以上,形容家長「你唔試下將麗晶大賓館BOOKING(預約)張紙改做麗晶大酒店?!」。

該個帖文5小時內獲得3000多個讚好,有人指家長「So無賴」,有網民質疑家長行為「咁算唔算偽造文書…」,又指責戴sir沒報警處理。但亦有網民對事件表示理解,「叫人報警嗰d(啲),唔通唔知校長最忌就係學校同警察一齊上報紙咩?」

中學通識科教師張銳輝指,未聽聞過同類事件,如學校對派位文件有疑問,可致電教育局核實派位者所持文件,他認為該個案只是個別事件。

專頁原文

[2015.07.09 Day 1] 塗改液一支,BAND 3變BAND 1

中一註冊日,校務處職員負責整個註冊程序,當值老師都係企係度解答家長問題,點知大怪獸係我當值時間出現左@@

校務處職員:戴sir你過一過黎丫,呢位家長有啲問題需要老師解答。

(一聽到個口吻就知射波俾我)

我:家長,唔知有咩幫到你呢??

大怪獸:你地個職員唔俾我個仔註冊丫!

(我望一望張紙,喂,都唔係派黎呢度...........)

我:唔好意思丫,我地呢度係 _ _ _ 書院,唔係 _ _ _ 中學,係兩間學校黎。我可以送你出門口,教你搭車去番相關學校註冊。

大怪獸:唔係喎,果間band 3 黎嫁喎,我個仔點會報band 3丫?我地小學老師都係話幫我地報band 1 果間

(係咪傻嫁自己報左邊間都唔知)

我:或者家長介唔介意俾我睇一睇多次派位證、入學註冊證同成績表確認多次。

(其實我至想睇係成績表,一睇d成績,得體育同常識有70字以上..)

我:真係唔好意思丫家長,學校係跟教育局文件幫學生做註冊,根據呢堆文件,我地學校真係唔可以幫你小朋友註冊。

10分鐘後,個家長又番左黎,帶住一張學校名有塗改液改過O既文件黎...................... (心諗:你唔試下將麗晶大賓館BOOKING 張紙改做麗晶大酒店?!)

校務處職員:喂你咁做唔得。。。

我即截住(唔可以話d 怪獸嫁想死咩心諗,想佢係度發癲咩?):家長,根據文件,學生派果個學校地址唔係呢度喎!

家長:咁即係要改埋。。。

我:家長,或者我帶你同小朋友去貴賓室傾下計好無~ 有三文治食維他奶飲

-----------------------------

後記: 佢派左去間弱勢學校,我即刻打去間學校

我:"喂你學生黎叩門快d 接走佢啦唔係你收唔夠人丫"~

對面高層:嘩派黎我地學校o既人去你度叩門?即係band 1 質素喎!得我派隊team黎!thanks a lot Mr. Tai kiki 表情符號

結果果間學校好快派左堆老師夾左佢走^_^。

【幻覺嚟?】75歲婆婆,睇精神科要等兩年。 全文http://bit.ly/1eI8NC3 【天文台:5點前掛八號波 教育局宣布所有學校停課】http://bit.ly/1eI4Z3K#明報 #明報即時新聞 歐陽英傑 歐陽英傑

Posted by 明報即時新聞 on 2015年7月9日

相關字詞﹕編輯推介 熱話

上 / 下一篇新聞