港聞

Uber召的士惹爭議 歐錦棠明撐暗踩:大家應該繼續容忍全程黑面的士司機 (18:42)

香港近年興起Uber及GoGoVan等電召的士及街車等手機應用程式,但的士業團體批評當中非法載客嚴重影響業界生計,更表明若政府不加強監管和執法,的士團體會將行動升級,包括堵路,引起社會關注。

知名藝人歐錦棠亦有在facebook講述事件,表示:「阻人搵食,罪大惡極」,「好似運輸署溫馨提示話齋,白牌車係無牌經營、冇第三者保險,有咩事貴客自理,而且最大鑊就係,你上咗車即係犯法,明知道錯都做,即係尋釁滋事,於法不容!」

他續說了一段表面上支持,實質是反話的話:「大家應該繼續容忍嗰啲嫌棄你遠、嫌棄你近、嫌棄你阻佢交更、全程黑你面、唔打燈隨時左穿右插、全程開着六部電話分別對答嘅的士司機,因為佢地先至攞正牌。樹大有枯枝梗㗎啦」。

歐錦棠建議應強烈要求運輸署及警方嚴正執法,維護正牌的士名聲,「以後逢係見到有拒載、揀客,駕駛不當,即刻抄低牌報警。不過放心,以上都一定係極小撮害群之馬嘅所作所為,我相信所有身家清白嘅的士司機,一定同佢哋劃清界線」。

歐錦棠提到,原本不知道香港有Uber,但經事件發酵,他便知道香港有Uber,「唔該晒」。

相關字詞﹕歐錦棠

上 / 下一篇新聞