港聞

周融指蛇齋糭餅是香港生態:「有邊個唔做?」 (18:58)

保普選反暴力大聯盟發言人周融指,蛇齋糭餅是香港生態,反問「有邊個唔做?」

商台今早邀請了周融和教協會長馮偉華同場討論政改。有任職旅遊巴司機的聽眾致電節目指,上周六(9日)接載廿多人由荃灣車到大尾督燒烤,他聽到活動負責人稱「燒烤之後要返荃灣簽名」,又說有活動於17日到富豪酒店午膳,之後亦要簽名。他相信兩項活動都是同一班人。

周融要求有關人士「你企出來講,唔可以話道聽途說,你聽到人講就係真理,呢個世界唔係咁樣。」

該旅巴司機隨即再次致電電台與周融即時對質,周融稱,如果有人在車上呼籲別人簽名,「可以簽可以唔簽,有咩問題?現在泛民叫人出來反對政改,都係有人贊成有人唔贊成」。

主持人質疑這種手法是否涉及「利誘」,但周融否認,指「點會有利誘,利誘意思即係你做先會有吖嘛,去完燒烤返轉頭嘅時候喇,咁點樣利誘啫?如果我話畀你聽,如果你做呢樣我畀乜嘢你,叫利誘,OK?」

他之後舉例,若泛民叫人簽名說有美好將來,又是否算是「利誘」。馮偉華反駁,「利誘」指實質東西,不是說對香港社會有改善這種事情,又說他們之所以這樣擔心現時情況,是因為有人扭曲社會一些事情。

不過周融指,蛇齋糭餅是香港生態,人人都會做,「(工黨議員)李卓人咪又係蛇齋糭餅,民主黨咪一樣蛇齋糭餅,有邊個唔做?香港生態嚟嘅」。

他又要求馮偉華「最好公開呼籲民主黨,工黨唔好再搞啲乜嘢旅遊啊,蛇齋糭餅啊,呢啲咁嘅東西,你哋做緊啊」。

馮偉華回應指不是說活動有問題,而是不應將派的東西,與正推銷的事情掛鉤,這才是問題所在。但周融批評是雙重標準,「人哋做就有問題,你哋就冇問題,呢個世界唔可以係咁㗎」。

【他封殺我】報道+全文:http://bit.ly/1KDcxyS【周融質疑民調僅訪千人未能代表全港】http://bit.ly/1FheLpC#明報 #明報即時新聞

Posted by 明報即時新聞 on 2015年5月11日

相關字詞﹕政改決戰 編輯推介

上 / 下一篇新聞