港聞

【困獸鬥】林依麗寓所遭爆竊 肉色絲襪蒙面賊被困閘內:我嚟收樓! 同謀在閘外急叫:放開佢! (00:15)

仁濟醫院前總理林依麗位於佐敦德成街百祥大廈的住所,周六中午遭頭笠絲襪男賊闖入爆竊,其男助手曾喝問賊人目的,對方曾聲稱:「我嚟收樓。」警員到場拘捕男賊,並追緝其同黨歸案。

林依麗助手阿豪向本報表示:「估唔到2015年,仲有人用肉色絲襪笠頭爆竊!」他指由於林的上層單位近日漏水,令林寓所的寬頻路由器損壞,故周六下午約2時帶同電訊公司職員到單位檢查,卻與笠上肉色絲襪的賊人打個照面,更一度發生困獸鬥。

阿豪憶述:「當時單位警鐘響咗,入到屋見到有陌生人,個頭笠咗肉色絲襪,我問佢喺度做乜,佢話『我嚟收樓』。」阿豪與電訊公司職員一同制服賊人,「佢不斷大叫,鐵閘外竟然有另一個同黨拎住把刀,大叫『放開佢』,好彩閂咗閘,即刻閂埋大門」。

兩人按着賊人約10分鐘,警員到場將該名45歲姓吳賊人拘捕,並在其袋內檢獲菜刀及一批懷疑爆竊工具。

林的寓所初步並無財物損失,但有一面鏡子被打破,警方把案件列作爆竊,交油尖警區刑事調查隊九隊跟進,正通緝一名40至50歲,身穿白色上衣,黑色長褲,蓄黑短髮男子,當時手持約10厘果長的生果刀。

【奇案】一名男子從窗外爬入屋,「佢同向我及媽媽做一個『殊』嘅手勢,叫我哋唔好出聲...」報道:http://bit.ly/1HtUsE1【320萬元法拉利自焚 釀九龍大塞車 車主為人質事件生還者】...

Posted by 明報即時新聞 on 2015年4月22日

相關字詞﹕編輯推介 林依麗 熱話

上 / 下一篇新聞