港聞

【短片:周星馳式爆竊奇案】獨行賊滿身血闖住宅 連飲7包檸檬茶 脫衣冲涼欲自殺 戶主喝:不要死在我家! (23:47)

深水埗醫局街129號紹興大廈今早揭發連環爆竊案,大廈內最少有3個單位遇竊,其後一名22歲男子落網,其中一個單位一家3口與賊共對1.5小時,賊人竟連飲7包250毫升的檸檬茶,過程比電影橋段更曲折離奇!

與父母居於大廈5樓的麥先生,向本報記者憶述「午夜奇遇」,更形容:「真係唔驚,反而幾好笑。」他指今日凌晨5時許,聽到廳中出來巨響,他與父母均被驚醒,而他開房門查看,見到窗花跌在地上,一名男子從窗外爬入屋,「佢同向我及媽媽做一個『殊』嘅手勢,叫我哋唔好出聲」。其後對方在廚房取來一柄尖頭刨刀,但並沒有傷人意圖。

麥先生與父母在家站於不同位置與賊對峙,他見到賊人滿身血,疑爬棚架時遭竹枝插傷,其中部傷口深可見骨,不斷流血,麥即說:「喂!你背脊爆晒缸,流晒血,好勁喎!不如自首睇醫生啦!」但疑犯似問非所答:「唔好嘈!我唔驚,我唔痛,無事嘅!」其後對方脫剩內褲到浴室淋浴,「冇叫痛,之後行出嚟,搞到成屋血水」。

其後賊人在雪櫃取了一綑250毫升包裝的檸檬茶,「一包接一包咁飲,飲咗7包,剩低一包放喺度」。不久警員搜索到單位門口,因小狗吠叫,認定賊人在屋內,但麥父恐賊人傷及家人,故向警員說:「唔好刺激佢,屋企入面有3個人,(我)嘗試說服佢。」

賊人曾在廚房取來生果刀架在自己頸上,麥父喝止叫他「唔好死喺我屋企度!」又勸對方「珍惜生命」。稍後賊人3次使用電話,首先疑叮囑弟妹「乖啲啦,認真讀書,學多幾個字吖」;再致電朋友稱「我衰咗」,叫對方買早餐到灣仔警署;最後則叫朋友到灣仔警署營救他。但麥氏一家三口不斷在現場提醒他,現位於深水埗區,不是灣仔。

擾攘約個半小時後,疑犯情緒平伏,終願意開門就逮。

【烈火戰車】陳國柱2008年以逾320萬元,購入這輛鮮黃色法拉利F430跑車。全文:http://bit.ly/1PiwZsb【(短片)法拉利跑車鬧巿自焚 多人舉機拍照】http://bit.ly/1PixYIB#明報 #明報即時新聞

Posted by 明報即時新聞 on 2015年4月22日

相關字詞﹕編輯推介

上 / 下一篇新聞