港聞

胡景邵指王征談判似賣菜 稱要比王維基「更盡更徹底」 (08:39)

曾計劃當亞視「白武士」的匯友資本首席合伙人胡景邵形容,亞視投資者王征談判似賣菜,又指要走一條比港視主席王維基「更盡更徹底」的電視營銷之路。

胡景邵接受《am730》訪問,再次談到與王征「交手」經過,「佢幾好,見過幾次,請我哋食自製上海雲吞,至於佢嘅諗法、談判方法就好唔同,我哋唔係好鍾意做啲bidding(招標)嘅嘢,好嘥時間,hmv當時好快就搞掂,好專業;嘉禾時鄒文懷先生簡直係友好,但今次(亞視)就好草根,我唔想講係土豪,草根係佢唔係專業機構,唔係 trained to become a seller,好業餘」。

胡景邵之後直言,「(王征談判)似賣菜的,十蚊斤就係十蚊斤,冇valuation(估值)講嘅,依家我話棵菜好好食,就要呢個價,唔講valuation,好似係未住過山頂,未坐過勞斯萊斯,佢唔會諗吓從嗰個角度出發,當然我唔係話王生未住過山頂啦」。他慨嘆,若能早一個星期商討好,一切都會不同。

胡景邵又透露,一直對亞視的大氣電波有興趣,期望借助亞視大氣電波「入屋」,讓海外影視音樂產品免費打入千家萬戶,「既然有《中國好聲音》,為何唔可以 有《香港好聲音》呢?為何唔可以有《我是本土歌手》呢?」

他亦看重出售劇集周邊產品的龐大商機,直指要走一條比王維基「更盡更徹底」的電視營銷之路。

相關字詞﹕編輯推介

上 / 下一篇新聞