港聞

梁福元:無自由行買日用品不方便 (09:22)

食肆貴? 梁:「唔啱咪麥當勞囉」

元朗十八鄉鄉委會主席梁福元指,如果沒有自由行,買日用品時沒那麼方便。

本港多區近日都有爆發反水貨客行動,元朗便是其中之一。無綫《新聞透視》事後追訪了梁福元,他當日帶記者到元朗區巡視,指街道其實並不擠逼,「閒日就係咁,禮拜六、禮拜日多少少人之嘛,因為錦繡(花園)、鄉郊區啲市民都會湧晒出嚟元朗消費同購物。閒日呢,中午食晏時間多唔多人呢?都係好蕭條㗎」。

至於有「藥房街」之稱的元朗壽富街,僅300米長便有11間藥房,主要售賣受自由行和水貨客歡迎的貨物,被指造成街道「擠滿人」,梁福元解釋是區內規劃跟不上人口增長,「元朗是一個舊墟,有些地方很狹窄,只有一米左右」。

他強調,如果沒有了自由行,居民買日用品便沒那麼方便,「冇咗自由行,我哋買日用品都唔方便啦,有好多各式各樣嘅嘢買吖嘛,所以有咁多呢啲商舖。(記者:其實成街都係藥房,元朗人都買唔到咁多藥)買唔到咪吸引啲外來遊客,各方面帶動經濟就業,消費品也較多元化,如果冇生意,品種都少啲啦。(好多藥房嘅時候,其實其他舖頭少咗)仲有幾百個商舖準備開啊」。

梁福元隨後帶記者到茶餐廳午膳,見到午市套餐售40至50元,他指價錢合理,沒被自由行推高,「呢度係一間品牌嘢,都出名嘅,只係40蚊一碗,你都話(最低工資)30蚊個鐘嘛。依家物價指數高,呢啲係全世界、全港性嘅,我覺得如果嫌貴,可以食啲平啲㗎啫,唔啱咪麥當勞囉,隔嚟都有麥當勞」。

相關字詞﹕編輯推介

上 / 下一篇新聞