港聞

被指惡意倒泥頭破壞農地 《壹周》訪侯志強:為利益親兄弟都打啦!唔講道義啦! (13:00)

侯:阿婆80幾歲耕乜鬼吖

上水鄉委會主席侯志強遭入稟索償,他回應時諷刺入稟者「耕乜鬼田」,又指「為咗利益,親兄弟都打啦!」

上水河上鄉八旬女村民劉愛嬌表示,2009年侯志強及地產代理萬振成出價數萬元,要求把農地改為村屋車路,她拒絕後,其農地農作物遭惡意傾倒泥頭破壞,遂興訟向兩人索償共逾百萬元。侯志強早前作供時,否認是倒泥幕後黑手,並反駁改建車路的指控,稱他只按照規劃署要求,代表部分海外業主填平及綠化農地,以免業主被控告,自言「好心做壞事」,但清者自清。

最新一期《壹週刊》追訪離開法庭後的侯志強,他隨即爆粗大罵原告律師,「個律師根本無厘頭亂問嘢,掘個窿等我踩!大佬咩事呀,強姦呀?打劫呀?民事起訴咋嘛!」。

侯志強之後又批評劉愛嬌「耕乜鬼田」,「阿婆80幾歲耕乜鬼吖,90歲人,死就直情過咗世喇,唔死就大半世。又話值幾多萬,賣咗有冇2000蚊?叫人賠幾十萬!施捨佢冇問題,幫佢冇問題,但係你威脅我我一個仙都唔會畀!」

報道提及,劉愛嬌兒子侯太樂,與侯志強出自同一祖宗,當中侯太樂屬「大房」,侯志強則屬於「細房」。被問到「百年前原是一家」的侯氏宗族,因為這片農地在法庭相見,是否值得,侯志強直言:「唉!為咗利益,親兄弟都打啦!都唔講道義啦!」

(即時新聞)

相關字詞﹕編輯推介

上 / 下一篇新聞