港聞

下一篇
上一篇

【短片】侯志強巡上水水貨街 「地方旺旺哋就好啦!唔通拍烏蠅咩?」 (18:10)

不擔心反水貨爆衝突:「關我咩事?我又唔係執法人員」

有網民發起「光復上水」反水貨客行動,上水鄉事委員會主席侯志強,下午聯同約10名上水居民,到示威者聚集的上水港鐵站,表示要「歡迎」示威者到來,又一同巡視水貨店雲集的街道。

侯志強巡視期間表示,水貨店「做好自己門口就得啦!各顧各,做好啲嘢」,又不時向途人及商戶揮手。

侯志強表示看不到上水水貨客問題是否嚴重,「地方繁榮、穩定是首要」。被問到水貨客影響居民日常生活,侯反問:「我哋行咗大半個上水,大家有無見到亂局?係咪見到歌舞昇平呀?自由購物,無問題!」問到上水平日情況,他說:「以我所見,好平淡,當然地方旺旺哋就好啦!唔通拍烏蠅咩?」

侯志強又否認與居民巡視,是擔當「糾察隊」角色,「我憑咩做糾察隊,又無指令,自己『戇居居』出來行吓!」被問到是否擔心今日示威活動有衝突,侯說:「衝突有差人,關我咩事?我又唔係執法人員,保安局又無聘我做局長,我唔會擔心,最緊要地方穩唔穩定,有無營商環境,同埋市民開唔開心。」

(即時新聞)

相關字詞﹕編輯推介

上 / 下一篇新聞