民建聯立法會議員鍾樹根於財委會會議中引用一個英文生字，再次惹來質疑。
財委會正舉行第4節會議審議創新及科技局撥款申請，而這一節亦是今日最後一節會議，也是今個財政年度最後一次財委會會議。
鍾樹根發言時批評泛民議員「拉布」，又形容莫乃光等資訊科技界議員是電腦界的「bug（漏洞）」，是「fatal（致命的）」，要求財委會主席張宇人「剪布」，「電腦界啲電腦有bug、error（錯誤），選代表選咗單仲偕同莫乃光呢啲人出嚟，你話電腦界係咪有bug啊，選到呢啲fatal嘅嘢出嚟」。
鍾樹根「fatal」一出，隨即惹來議員質疑，不過他揶揄「你唔識我咪慢慢教你囉，你咁好英文！」之後鍾樹根又向主席求援，「啊主席！你叫佢唔好嘈住我！」
擾攘一會後，鍾樹根繼續說香港須把握內地機遇，並批評泛民議員是「盲毛」，「你醒下啦大佬，依家騰訊、華為、阿里巴巴呢啲啊，人哋無論技術上、價值上，高過香港好多，如果參加到，我哋抽人哋水咋，如果咁樣益共產黨，咁真係益喇！人哋畀機會我哋！唔好咁自大啦，食咗藥未啊？瞓醒未啊？正盲毛嚟㗎呢班」。
工黨李卓人質疑，成立創科局真正目的，是特首梁振英「條氣唔順」，想完成「大白象」政府架構工程。民聯建葛珮帆則形容泛民有妄想症，妄想政府要引入紅色資本和安插「梁粉」，又指泛民恐懼梁振英恐懼到「黐線」，促請張宇人英明「剪布」。
張宇人回應稱，剪布與否非「英明」問題，而是他沒有「鉸剪」「剪布」。
（即時新聞）