港聞

訪問警隊「男神」:「學生為我打傘好心動呢」 (07:39)

「學生警察不是敵人」

較早前網上瘋傳一段警員借水給佔領者喝的短片,警員從腰間抽出水樽遞給示威者,並笑說「留番啲比我啊」,獲網民大讚「警隊男神」。《明報》記者透過Facebook與他取得聯絡,他說借水給市民喝,其實源於旺角一場雨,以及兩名「傻更更」的學生。

該警員說,當時有兩名參加佔旺的男學生,寧願自己淋雨,也把大半個雨傘分給他用,「好似係(10月)4號定5號,我喺亞皆老街彌敦道中央帳篷,有2個傻更更嘅學生,當時突然洒左陣雨,佢用一把美國國旗花紋嘅遮,佢仲笑言自己唔係美國勢力嘅人。當時我都好感動,把遮唔夠大,但佢將大部分遮向我,好心動呢」。

警員說,當時立刻感謝這兩名學生,又勸他們早日回家,「叫佢哋企完好返屋企」。他說,被學生打動後,才發生借水給示威者喝的事件。他認為,示威的學生不是警察的敵人,他和一些同袍也沒有視學生為敵人,「在好多同事心底,都明白示威者訴求,我哋當然唔會當示威者係敵人啦。示威者(真正嗰啲)亦有好多明白我哋要執法,亦並非當我哋係敵人......好多時,有機會我都會先同啲示威者講下嘢,要求企响較後嘅示威者企後啲,費事前面嘅人想退都無位退,佢哋多數都十分合作,都會退少少,讓番啲空位」。

最後,他又盛讚記者和市民,拍攝到一些示威者為警員打傘的相片,「拍得好好,po(張貼在Facebook)俾我哋同事,佢哋會好開心,希望有助我同事,因為有機會講嘢,都係釋放壓力嘅一種,如果佢哋認同我講嘅嘢。」

相關字詞﹕編輯推介 政改與佔中

上 / 下一篇新聞