港聞

黃秋生:非禮都得,强姦殺人都得? (02:01)

藝人黃秋生今日多番上載有關佔中及反佔中人士衝突的消息,大駡反佔中人士是暴徒,又反問「非禮都得,咁强姦殺人都得?」

黃秋生留言道:「打人,踢春袋,打氣門,非禮,性騷擾,搶掠,破壞,呢啲係好人?係愛香港嘅行為?差人都唔拉?你哋有冇良知架?我連粗口都唔想講啦,大家唸下啦」。

黃秋生又建議,同學可以說「今日比人打親個氣門,講唔到嘢住,同埋好怕黑社會,唔敢返屋企,搞多两個禮拜先再講啦!係咁先!去金鐘,有事去美國領事館。」

另外,他又大駡反佔中人士為「暴徒」,呼籲學生不能啞忍,「暴力仲可以容忍,若非禮就一定要反抗,不能容忍。非禮都得,咁强姦殺人都得?反抗係叫抗暴,打土匪。請保護受害者!」

(即時新聞)

相關字詞﹕編輯推介 政改與佔中

上 / 下一篇新聞