娛樂

下一篇
上一篇

【形容生活似走難】「無殼」張秀文:做藝人太多擔憂 (14:18)

無綫話題節目《有樓萬事足》昨晚播出第3集,張秀文和吳業坤都在節目內現身。張秀文雖然是前港姐亞軍,曝光率都不俗,但仍然是「無殼的蝸牛」,她說:「做藝人買樓同打工仔一樣咁難,我一定要擺舊錢喺度,可能預我嚟緊6個月無嘢做嘅,有時諗返如果平淡做返OL,心情會平穩好多,做藝人太多擔憂,可能啲錢用嚟睇醫生。」

現時秀文每月畀萬幾元租樓,她不諱言生活好似隨時要走難一樣:「隔一年就要搬屋,好忙好攰,要不斷去睇樓。」

吳業坤近2年雖人氣急升,拿了不少獎,但他仍未雨綢繆,與友人開設男士服飾店,他坦言驚自己隨時消失娛樂圈。單親家庭長大的坤哥是孝順仔,他慨嘆:「細細個好理想,想買樓畀媽咪住,要努力工作,但愈了解世界,就好似愈難追到,假設我有一百萬,根本都畀唔到首期。」

(即時娛樂)

相關字詞﹕ol網-latest 即時娛樂

上 / 下一篇新聞