娛樂

五星酒店更衣室餵母乳被辱 官恩娜:點解呢個年代仲有人咁大偏見? (18:15)

官恩娜今日在Instagram訴說自己在香港一間五星級酒店女更衣室餵哺母乳,雖已問准更衣室職員,仍被中年婦侮辱的經過。網民留言支持官恩娜,盼望大眾能夠體諒餵哺母乳的媽媽。

官恩娜在Instagram寫道:「嗰日喺香港某五星級酒店嘅女更衣室(因為喺我所在嘅兩層樓都搵唔到育嬰室,亦有問准更衣室職員)餵母乳,俾一個中年女人侮辱!其實我已經故意坐埋一邊唔好阻住人……佢走過嚟故意喺bébé G嘅頭殼頂上面同我塊面側邊大聲敲打電話同大聲鬧有人喺度餵人奶!再超級大聲喺bébé G頭殼頂打電話畀酒店各部門投訴,問人哋知唔知女更衣室發生緊乜嘢事!bébé G 都俾佢嚇到喊咗出嚟,我都俾佢嚇到呆咗畀唔到反應。點解喺呢個年代都仲有人對餵哺母乳存咁大嘅偏見?寶寶飲媽媽嘅母乳係最天然不過嘅事!我覺得無論如何都唔應該咁樣對一個五個月嘅嬰兒!事後我個心好唔舒服。」官恩娜標籤(hashtag) 了「餵母乳無罪」。

不少網民留言支持官恩娜,有人寫道:「我曾經係2個B的母乳媽媽,不須理會佢,支持你。」也有人說:「好過分!喺更衣室餵人奶我覺得無錯,應該體諒母乳媽媽。」

[Like fb : OL.Mingpao 直擊明星活動]

(即時娛樂)

相關字詞﹕ol網-latest 即時娛樂

上 / 下一篇新聞