創科線

即時港聞

下一篇
上一篇

【Emily Online】資科辦開fb專頁 消除對政府IT項目誤解非作「對話平台」

政府資訊科技總監辦公室今日(17日)開咗個fb page,有份搞個page嘅人同Emily講,嚟緊政府會愈嚟愈多應用科技,例如智慧燈柱、eID(數碼個人身分)等,資科辦就係主力負責做呢啲項目,所以就開個page出嚟同市民分享下最新嘅應用技術,同埋一啲資訊保安嘅知識;另外個page仲會用嚟宣傳佢哋部門嘅活動,例如嚟緊9月底會有第二次技術論壇、創科比賽等。

早前特首話要建立「對話平台」,莫非呢個page係平台之一?消息人士就即刻否認,佢同Emily講,個page係由資科辦嘅同事自己run番,以後資科辦唔使再「借用」創科局個page出post,會分享多啲科技資訊。佢仲話,資科辦總監林偉喬(Victor)對個page有好大期望,之前網上有page針對政府IT項目,佢希望用個page消除市民對政府IT項目嘅誤解,以顯淺易明嘅方法提供資料,增加透明度,又話Victor鍾意親自回應留言,之後可能不時會喺啲post度見到佢。

其他報道:商廈智能地板 踏步即發電 公共空間安裝 供大眾充電

其他報道:【非洲豬瘟】不滿活豬屠宰「日日清」 郭卓堅入稟申頒令被拒

相關字詞﹕資訊科技總監辦公室 資科辦 創科線

上 / 下一篇新聞