創科線

即時港聞

下一篇
上一篇

【Emily Online】中大醫學院院長陳家亮 獲選「研究亞士匹靈全球頂尖學者」

中文大學醫學院院長陳家亮繼3月份獲大阪市立大學頒授名譽博士銜,今日(25日)再獲美國醫學資訊機構「ExpertScape」選為「研究亞士匹靈的全球頂尖學者」。

今次「ExpertScape」嘅排名,分析咗2008至2019年間,全球約4.7萬名學者發表亞士匹靈嘅研究,透過論文性質、期刊影響指數、學者係唔係第一作者等等嚟評分。呢十年間曾發表18篇亞士匹靈相關研究的陳家亮,排名列全球首0.062%,更成為咗全亞洲之冠!

亞士匹靈其實係全世界好常用嘅藥物,主要用嚟預防心臟病發、中風同多種癌症,但亞士匹靈都係貧血同內出血嘅最主要原因之一,點平衡服用亞士匹靈嘅風險同好處係全球醫學界面對緊嘅挑戰。

陳家亮喺過去10年,除咗首次發現服食亞士匹靈而引致小腸出血嘅治療方法,仲研究出亞士匹靈嘅臨牀指引,呢啲成果已經得到美國、歐洲及亞太區的醫學團體採納,幫助醫護人員為病人制訂治療方案。

陳家亮話,𠵱家仲研究緊亞士匹靈點樣改變患癌風險,同埋搵緊邊類患者可以從亞士匹靈治療中受益最大𠻹啊!

其他報道:港大民研:林鄭月娥最新得32.8分 歷任特首最低

其他報道:區旗上寫「香港政府真無恥」 古思堯侮辱區旗罪成入獄6周

其他報道:民陣成員被沒收手機案警上訴 爭議無搜查令可否查閱被捕者手機

相關字詞﹕中大醫學院 陳家亮 亞士匹靈 醫學研究 創科線 編輯推介

上 / 下一篇新聞