偵查報道

即時港聞

下一篇
上一篇

【Emily Online】揭環聯私隱漏洞 《明報》偵查組獲消費權益新聞報道金獎

今日(31日)天文台掛8號風球,消費者委員會一年一度消費權益新聞報道獎亦喺風雨中頒發。今年《明報》偵查組同事梁崇碧、羅霈潁同陳浩謙嘅「環聯私隱漏洞」報道,攞到文字組別(調查報道)金獎。報道揭發載有超過500萬人信貸資料嘅環聯資訊,出現保安漏洞。現時呢個服務已經暫停超過半年,仲未重開番。

今屆消費權益新聞報道獎一共收到274份作品,題材涵蓋多個重大消費議題,最終共有28項作品得獎。消委會主席林定國話,今日出席頒獎禮嘅都係「貴人」,因為「貴人出道,先會招風雨」。佢又話,消委會嘅成功之道,傳媒對消費者權益嘅關注同支持,絕對係關鍵,衷心多謝各傳媒朋友。

主禮嘉賓、商務及經濟發展局長邱騰華亦表示,保障消費者權益,除咗有利消費者,商戶賣得好既產品亦能夠建立品牌形象,香港更會隨之建立良好商譽,希望各界繼續努力。

Emily都喺度恭喜咁多位得獎同事,希望大家做到愈來愈多好新聞!

相關報道:

環聯漏洞 林鄭信貸資料任睇 資料庫載500萬人信貸報告 虛構身分輕易通過核證

環聯停網上信貸資料查詢 與至少5機構合作 或共用資料 私隱署守則未涵蓋

相關字詞﹕偵查報道 金管局 環聯 個人資料私隱專員公署 消委會 林定國 邱騰華 編輯推介

上 / 下一篇新聞