馬時亨 將任教大校董會主席

【明報專訊】大學嘅校委會或校董會主席爭議靜咗一排，政府噚日公布委任港鐵主席馬時亨做香港教育大學校董會主席，接替即將卸任嘅彭耀佳，出年4月25號生效，為期3年。自從舊年港大校委會首副事件鬧得熱哄哄，唔少人都關注梁振英委任邊個做校董會主席，早排梁乃鵬做中大校董會主席都畀學生質疑，不過唔知係咪馬時亨一向人緣口碑唔錯，暫時都未聽到好大反響。