【明報專訊】剛剛開學咗兩日，升班後，好多學生都要重新認識啲新老師，不如就趁住下個禮拜六嘅「敬師日」，預先多謝老師未來一年嘅教導；送咩好呢？香港郵政好體貼，推出「向老師致敬」為題嘅特別郵票同相關集郵品，同學仔不妨考慮送郵票！呢套「向老師致敬」特別郵票以黑板上嘅粉筆畫表達5個敬師主題，如圖中右手邊嘅「共建知識、促進學習」（10元郵票小型張）。下個禮拜二（9月6日）正式推出發售，當然仲有首日封啦！
