青少年軍事營 學生話唔怕被「洗腦」

【明報專訊】由董太趙洪娉成立嘅羣力資源中心，近年每年都同「解放軍駐港部隊」同教育局搞「香港青少年軍事夏令營」，今年加咗名額，由舊年260個加到500個。一班學員噚日一早喺新圍軍營參加開幕禮，個個著住藍色迷彩軍服喺操場步操、聽開幕同宣誓，大熱天時都咪話唔辛苦。不過，有啲學員話入嚟就係為咗感受刻苦，唔想枉過暑假。