每早門口迎學生 「叻唔叻都盼被接納」

【明報專訊】衛理中學位處小西灣，校長藍正思家住屯門，去年9月履新起，他堅持每日「打鐘」前都站在校門口與教師、學生打招呼。從家裏回校要個多小時車程，他每朝7時多到校，6時多就要出門，為保精力充足，他笑言要放下很多嗜好，「我好鍾意睇波，但𠵱家好決絕cut埋（截斷）家中收費電視」。他希望學生每朝返學，都知道有人歡迎他們，「無論叻唔叻、係咪領袖生，都希望佢哋覺得被接納」。