【明報專訊】過農曆新年，行年宵係例牌活動，今年有唔少浸會大學同學仔喺維園開檔，作為校長嘅錢大康當然要大大力支持吓。其中興趣學會「商合學會」（Business United Society ）出動咗成百幾個唔同學系嘅同學仔，開咗4個攤檔，今年猴年，所以分別起名做「猴打耳」、「唔夠猴」、「猩胸冰室」同埋「天猴站」，賣嘅嘢由馬騮公仔、自製布袋到文具乜都有，由競投、設計貨品、營運宣傳等全部由同學仔一手包辦。
