石禮謙：李國章高高在上 唔使我關心

【明報專訊】港大校委會前晚開會，逾兩百名學生同示威者喺校委會開會嘅大樓正門同停車場聚集包圍，要求新任校委會主席李國章同學生對話，結果警方進入校園執法，凌晨1點李國章先走到，另一委員紀文鳳就話唔舒服，要坐救護車離開。咁其他屬於建制派嘅委員，其實又點走呢？本身係立法會議員嘅校委會成員石禮謙同Emily講，佢喺未開完會、約夜晚7點50分就已經離開，係坐車走嘅，當時仲經過門外嘅學生𠻹。至於會唔會慰問李國章，石禮謙就話，李主席「高高在上，唔使我關心啦」，但就會關心吓紀文鳳。