沈祖堯自揭人生低潮勉學生

【明報專訊】自殺之風最近吹入中文大學，粗略估計中大半年內有5個學生輕生。中大校長沈祖堯噚日喺網誌剖白心聲，佢話新學年已經有多名學生輕生，令佢覺得好悲痛、好心碎。學生輕生令家人朋友打擊好大，中大亦承受住呢種傷痛。佢亦提到自己曾經走過艱辛嘅歲月、鬱悶嘅日子，困擾佢嘅事令佢失眠、茶飯不思、無法工作，甚至無法面對屋企人及同事。