港大關注組暫無行動 等埋李國章？

【明報專訊】香港大學校委會主席一職懸空咗接近一個半月，早排有唔同報道引述消息話，政府或者會喺年底前委任校委李國章接任，但實際日期就眾說紛紜。身兼港大校友關注組召集人嘅教育界立法會議員葉建源，噚日同傳媒茶敘嘅時候就話，關注組因為未知委任主席一事會幾時公布，所以對於下一步行動仍然未有定案，例如究竟會唔會舉行集會或者遊行等，都要到時候再決定。