書+雜誌+刊物 吳克儉：月睇30本濕濕碎

【明報專訊】教育局長吳克儉上月講過「要求自己每個月睇30本書或者雜誌」，又話搭一程長途機就可以睇到十幾本，令唔少人嘖嘖稱奇，局長噚日出席一個生涯規劃嘅活動致辭時又重提事件。佢話自己喺1976年大學畢業後，曾向自己許下承諾，每個月要睇30本書、雜誌「同埋刊物」，「講得清楚啲呀」；佢仲教大家計數，話一星期讀6本周刊，4個禮拜計已經讀完24本，所以30本係「濕濕碎啦」。