【明報專訊】教育局長吳克儉（左圖）前日出席立法會教育事務委員會，聽完第一項議程就因公務而早走，仲話自己去年喺立法會教育事務委員嘅出席率係「百分之一百」。不過，教育事務委員會主席林大輝（右圖）噚日反駁吳局長，話「百 分之一百」嘅說法有偏頗，叫吳局長唔好用語言藝術誤導傳媒同公眾。大輝仲拎埋數據，話統計過吳局長過去3個年度嘅「實際出席情况」，話雖然佢有去到委員會，但無坐足全程，如果用討論議案數目去計算局長嘅出席率，實際平均只有49.52%。
