【明報專訊】近排成功爭取可正名為大學嘅香港教育學院，最近成立咗「香港研究學院（The Academy of Hong Kong Studies）」，由專門研究香港社會現象嘅教院香港社會研究講座教授呂大樂擔任總監，曾出書《香港革新論》嘅教院亞洲及政策研究學系助理教授方志恒就出任常務副總監。方志恒噚日喺facebook公布學院「正式開張」，仲形容間學院係「全港首間專攻香港研究嘅大學研究所」，嚟緊會請研究員同埋大搞研討會。
