【明報專訊】由民主黨前成員狄志遠同黃成智牽頭成立嘅組織「新思維」，成立短短一個月，噚日雖然係重陽節公眾假期，但特首梁振英（CY）都抽時間同佢哋見面，聽吓佢哋介紹組織理念同政策建議。副召集人黃成智話，今次係佢哋主動拜會CY，形容會面氣氛輕鬆，CY仲好認真咁聽意見。至於CY有無講兩句鼓勵吓開拓第三條路嘅「新思維」？黃成智話無，大家主要交流意見。佢話遲啲仲會約見負責青年、安老及教育等政策嘅局長，講解政策建議。
